الجمعة، 19 مارس، 2010

لجل عين تكرم مدينة<<< لخاطر خيتو دانة الدعيفونة

مسائكم ورد اختي الدانة وكل حبايب قلبي بالبوستات..



اليوم وكرمال 2 كيلو اللي نزلتهم الدانه راح اكتب هالبوست هههههه لأنه يذكرني بنفسي




انا تقريبا مثلج كل ما اقوم الصبح حق الدوام طرت من الفراش وعلى طول الميزان
طبعا حلم حياتي اوصل لوزنج دونة .. بس عشم ابليس بالجنة <<< والسبب؟

انا لما اكل الاكل ..طبعا كلمة آكل وايد ذربة ..أقصد لما اصعد فوق الداولة<< بدلية ومعناها الطاولة وألتهم الاكل لازم كل شي مع بعض

يعني ما ينفع كل شي ابروح ..لأني اتبع المثل القائل (( دامه راح يتخلط في بطنك بالاخير ..من اولها اخلط وفك عمرك))
>>طبعا اقتباس من الدكتور اصيلة..لعلم التغذية السليمة<<

اهوة صج اني الحين قاعدة اخفف اشوي بس مهما كان للحين انا من فصيلة البقريات ..مادري متى اطلع من هالفصيلة..

كله من زقرتية الله يحفظها.. كنت اضعف منها لدرجة انها اتشيلني ومن عرفتها اهي اضعفت عن وزنها و انا صرت حوت ..




**توتي فروتي**







مرات اسأل نفسي ليش لقبتني زقرتية بكلمة توتي ؟؟


1\ هل سمتني هالاسم من كنت ضعيفونة لأنه اسم يدل على النعومة وصغر الحجم وبعدها ابتلشت فيه بالذات اني الحين من فصيلة البقريات؟

2\ هل لأنها تبي اتخفف علي كلمة الوزن الزايد بدال كلمة بقورتي صارت توتي؟

3\هل لأنها اتحسني من فصيلة الفواكه الاستوائية الضخمة؟

4\ او انه اختصار لجملة معينة مثل : تبي ونش تيوتا ينقلها ؟





كل شي جايز :))



مشاري و الوربات >>زنود الست








اذكر فيه يوم كنت انا و زقرتية ومشاري ودنا انشيش بقهوة على البحر بس ها؟ لازم واحنا انشيش انحلي بحلويات عربية


طبعا هذا كان مزاج الاخت توتي << اللي اهي انا ..طبعا رحنا واحد من محلات الحلويات العربية وخذيت زنزد الست اللي بس

اشوفها لساني يصير متر لين تحت وعيوني تلمع من دموع الفرح..

المهم خذيت حقي يمكن اربع وحق كل واحد منهم 2 عشان اذا ما يبون الثانية اكلها انا خخخخخ


طبعا قعدنا بالقهوة وفتحت صحن الحلو وقمت اكل بكل لذة وشراهة وكان مع الاكل يطلع مني هالكلمة : ممممم مواااااه لذيذ




جان يضحك مشاري ويقول شنو هالصوت ؟؟ ايي لا لا اسف كملي كملي نسيت انج ابقرة مواااااااااااااااا ممموااااااا


نسيت انه صج صوت البقرة بس شسوي اندمجت بالاكلوقعدت اضحك << عباله بخلي الاكل واقوم .. امله وامل فلسطين

واحد :))


ومني لكم احلى تحية ((ألاصيلة))

هناك 5 تعليقات:

الدانة يقول...

عز الله شانج يابعد قلبي يسلموووو والله ..
بالبداية مساج الله بالخير يا اصيلة , ترى كتبت لج تعليق وانمسح مادري وين راح فراح اكتب واحد ثانية . حاليا توني خالصةغدا كليت مشخول وروب والحين قاعدة اشرب زقارتي واقرا بوستج وارد عليج وانا ميتة من الضحك تدرين اني من الضحك قعدت عيوني تدمع والخدم يطالعوني ودهم يسالون شفيها المعزبة ينت وقعدت :)
يعني انا ودي اتخيل جم وزنج ! بس مهما يكون اكيد انتي رقيقة وناعمة لان كلامج حلو ومايطلع الا من ناس حلوين ..
تدرين سهل الواحد يبجي الاخرين بس صعب وايد ان يزرع الابتسامة على ويههم .. وهذا اللي انتي سويتيه بالضبط . برافووو عليج
انا اليوم وايد داون بس من قريت بوستج وانا نفسيتي صارت اووكي .. شكرا لج
بالاخير سلميلي على زقرتية وايد وقوليلها دانة تسالج المشروب طلع حلو ولا لج عليه ؟ :)
واحب اشكرها على الاغاني اللي في بوستها خصوصا اغنية عمر ذياب انا وايد احب عمرو
ماحبيت اعلق على بوستها لان حسيته موجه الى some one ..
عسى الله لا يحرمنا منكم
وانتوا احلا منتج كويتي
تحياتي لكم
الدانة

ala9eela يقول...

هلا وغلا يا الدانة

الذوق والرقة بدمج..
بخاطري اتغدى مشخول و روب بس مع الاسف مايدور عندي.
عموما وزني الحين94 يعني شي مو طبيعي وتخيلي ازياده على هالرقم المسطحات الدهنية بجسمي.

عموما بالعافية يا قلبي ومشكورة على كلامج الحلو انا اصلا تابعتج من كثر ما تكلمت عنج زقرتية
خلتني اتشوق اسوي بوست عشان اعرف اخبارج انتي واختي الغالية الجود ام حمودي بعد

ولما اتييبين طاري عيالج والله استانس واقول عسى ربي يخليهم لج ..

وفعلا صعب اضحكين الناس بس والله ان هذي انا وهذي حياتي ماقولج ما فيها شي يزعل بس الحمدلله امسنقلة روحي وعايشة حياتي

و بالنسبة للزقرتيه طافيه على الاخر وقاعده قبال الاب توب تطالعه بس شكلها ضاربه على وحده من البلوق بس موراضيه تقولي منو اهي .. تصدقين من اول ماقامت من النوم والكاس بيدها المشكله مو النوع اللي ينسحب منها الكلام ودي اعرف اهي منو في بالها تفكير24 ساعة وسرحان والله وايد مضايقة عليها ودي اعرف شنو فيها واتمنى انها تطلع من اللي اهيا فيه

الدانة يقول...

:) الله يعين

alzqrtya يقول...

كككككككككككككككككككككككككككككككككككك

بقووووووووووووووووورتي نياهههاهاهاهاهاهاااهاهاهاه

من يوم ورايح انتي بقورتي مو توتي كااااااااااااااااااااااك

ala9eela يقول...

لا والله ؟ يا سلام؟ لااااااااااااااااا

حياتي زقرتية الحلوة.. ادري انج خوش

بنت.. مو تقولين هالكلام جدام احد عفية على الحلوة