السبت، 20 مارس 2010

من الجميل ان تحب والاجمل ان تشعر انك محبوب





كلمة الحب ..وااااااااي اموت على هالكلمة ما اتصور نفسي بدون ما احب..

اتصدقون اصلا من كثر ما قلبي كبر صماخي احسه فندق ودي احب الكل و ودي اكون مع الكل واساعد الكل

يعني جني ماما انيسة << هذي المرة عندنا بالكويت بس برة يمكن عندهم هذا (( بابا نويل )) عشان يعطي هدايا وحلاو,,



المهم..طبعا الوضع الطبيعي ان الكل يحتاج انه يكون مرغوب ومحبوب عند الناس.. ونا << افف اقصد انا.. مادري ليش هالبدليات..


المهم اني انا احب احس بهالاحساس كون اني ادمية عندي احاسيس ومشاعير انزين؟ المهم.. من كنت صغيرة << يعني بالمراهقة





كنت اشوف البنات يترقمون وناس تركض ورا ناس .. وشباب يتكافخون عشان يعطي البنت رقمه << ياربي خرفان ..




المهم بيني وبينكم تمنيت ان يصير عندي خروف او ماعز او اي شي المهم شي يحسسني اني مرغوبة..


طبعا بداية لما اكتشفت اني اموت بالبنات كان مجرد اعجاب مادري ان هالشي راح يطور واصير شي يبنبع<< كناية عن التخرفن..





المهم ..انه الاعجاب كان يقتصر على المدرسة بس .. وبمجرد ما اكون خارج نطاق المدرسة ارجع بنت طبيعية..




المهم.. كان عمري 13 سنة لما حسيت قلبي يقول تك تك للحب طبعا خلوني اقولكم او اوصف لكم اشلون كان استايلي اول





طبعا احنا نظام اي شي اتقولنا الوالده لبسووه لبسنا مايهم حلو خايس .. مثل الثولان نلبس.. نظام البلوزة طويلة والتنورة اطول منها..





الله حاله . الله يسامحج يا يمة .. يعني فوق ما التنورة طويلة البلوزة اتصير عليها ثوب صلاة ..والله حرام .. ماعلينا .. المهم



تخيلووا سودة سنتوحة وملفعها وردي وبلوزتها كاروهات ابيض ووردي وتنورة وردية جني برد فراولة بايت.. ولا لابسة احمر جني كيت كات ولا اصفر جني فليك




من الاخر اتمصخرت عيشتي .. بالله منو يبي يطالع حلاوه تمشي ؟ وسودة بعد ؟؟ يا عيني ..



بس تدرون شي البس اللي كنا نلبسه كان بذاك الوقت ..زقرت يعني كشخة .. << طل بعيني كشخة ..زريبة



بس اول غير والحين غير .. << تطمنكم انها الحين غير عشان لا تخترعون :))..


يوم البحار


المهم.. على ايامنا كنا انروح مع الاهل مكان اسمه يوم البحار وطبعا من اسمه يعني مكان يمثل التراث الكويتي البحري وفيه كشكات صغيرة اتبيع العاب وسوالف حق المراهقين ودوارف<< مراجييح تؤبروو ألبي ..<< املق .. ماعلينا بس عشان الباجي يفهمون الكلمة




المهم كنت اروح اتمشى مع بنات خالتي وخواتي طبعا سبحانك ربي الكل يترقم ويركضون وراه إلا انا .. مادري مكتوب ممنوع الاقتراب؟؟




او فيني تيفوئيد << مرض ..المهم وايد كانوا يلحقونا واي لعوزونا بس مو انا لاااااااا ..كان يلحقون اللي معاي.. طبعا صار فيني حالة اكتئاب ان محد رقمني ..خخخخخخ تعقدت اشوي.. بس هم قوية باس كنت احاول واحاول .. ومن محاولاتي




اني مشيت مع بنات اجكر مني يعني سناتييييييييح عشان اصير احلاهم واترقم بس هم الشباب رقموهم وخلوني .. حظ امعفن




والمحاولة الثانية ..طبعا خلتني اصير معقدة اكثر.. تابعوني ..

كنت رايحة مع الاهل ماكدونالز وكنت متكشخة على سنغة عشرة .. المهم وانا قاعدة اطلب شفت شباب كانوا قاعدين يطالعون ناحيتي




طبعا انا قمت اناقز مو مصدقة ان في احد طل بويهي.. بس سويت روحي ثقيلة و مو مهتمة.. يعني ما اعطي ويه << سليحط..




المهم التفت جان اشوف واحد قاعد يطالعني بنظرة حلوة جان ابتسم ..<<< مسرع توج تقولين ثقيلة.. المهم بس شافني ابتسم ركض




برة وقالي بصوت مسموع ..يا الجيكرة ..وانحاش ..طبعا اهني تخيلت نفسي مثل اللي في الرسوم المتحركة تتكسر الارض واطيح بالهاوية




جان تدمع عيني واقول حق بنات خالتي : سمعوا انا قررت اتنقب البس النقاب واغطي ويهي.. جان يضحكون علي وقالولي بلا خبال




ولا تتهورين .. طبعا قعدت مضايقة طول ماكنا نتعشى وكنت اكل وانا حدي يائسة المهم شفت واحد قاعد يطالعني وانا قاعدة اكل جان




الف ويهي عنه ..<< ايي طبعا خايفة يسوي فيني كبسة جدام الناس.. المهم تشلعت عيونه واهوة يطالع وانا ولا كأن المهم طلعنا من المطعم




جان يناديني : يالحلوة ؟ بلمح البصر لفيت عليه جان اقوله شنو ؟ جان يقولي: قلت لج يا حلوة ..تدرون شنو سويت قلت لهم بصوت




خنزيري عالي وجدام الناس جذااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااب




اففففف ارتحت <<قلتها من قلب .. المهم الولد مو مستوعب اللي صار ومسكين بس قلت في نفسي لازم اتغدى فيه قبل لا يتعشى فيني




احم احم << حكم تطلع من حلجي..المهم رحت البيت وانا مرتاحة ونمت على فراشي وانا افكر هل انا حلوة ؟! وهل كل ما راح يرقمني




واحد اصرخ عليه واقوله جذاب ؟! وطبعا انا غارقة بالتفكير ساعة المنبه على راسي .<< الوالدة الله يحفظها عطتني راشدي.. كنت افكر




بصوت عالي ومالاحظت ان الماما موجودة.. المهم نمت وانا اشوف نجوم الظهر في عيني :))

هناك 8 تعليقات:

alzqrtya يقول...

كااااااااااااااااااااااااااااااااااك

فديتج ياقلبي انتي القمر كله

NewRise7 يقول...

مرحب بالاصيلة والله..
شلونك؟
بهنيكي على هالمدونة...كتير رايقة وحلوة...بتمنالك الازدهار...وانا من متابعين مدونتك...وان شالله على طول...بس ظروفي ما سمحتلي اكتب تعليق الا اليوم...
بتمنى انو تنورينا في مدونة الى الروح التي عانقت روحي...
مع التحية

الدانة يقول...

ويييييييه يا الاصيلة شالغبار اللي طلع من البوست :) اكيد ماكدونالدز البحر ويوم البحار اللي شالوه من سنة يدي :)
شوفي يبه انتي حلوة , والدليل انج دخلتي قلبي مثل صاروخ جو جو , ومهما تقولين عن عمرج فانتي الاحلا والارق بين الجميع وخصوصا بنات خالاتج الجياكر :)
عيل انا عكست طفولتي مغازل وامي الله يهداها كلة تسويلي عناقيص اثنين وشعري ناعم جني فلبينية وتحط لي شرايط:(
تسلميلي ياحلوة وسلميلي على الغاليه ازقرتية وايد ..

تحياتي
الدانة

ala9eela يقول...

زقرتية فديت قلبج ..طبعا انتي نظام حق الشماتة يا سعد

بس ماعليه مشكورة على مرورج يا قلبوش

ala9eela يقول...

هلا وغلا نيورايز نورتي المدونة يا قلبي

وشرف لي انج من متابعيني ويشرفني اتابعج

تامرين امر

وانشالله ماننحرم من اناملج الذهبية الف شكر

ala9eela يقول...

ههههههههههههههههههههههههه

هلا وغلا اختي الغالية الدانة ..والله قلبج الحلو و ذوقج احلى..

فديتج..و فديت عناقيصج.. حمدي ربج عناقيص ناعمين ولا عناقيص جودي ابوت

عناقيصي انا كانت طايرة مثلها.. بس هم كان عندي كشخة..

وبالنسبة ليون البحار موجود بس جددوه بس صاير مليق حده مومثل قبل.

عبــ قصتي ير يقول...

خخخخخخخخخخخخ
شخباري ذكرتينا بايام الصبا
صج الكبر شين

استانست وانا اقرى يومياتج صراحه تحسسيني الدنيا لي الحين فيها خير وربي.....

ala9eela يقول...

هلا وغلا عبورة
دوم هالضحكة يارب

ومايشوف الخير إلا اللي فيه خير

ماقصرتي حبيبتي نورتي