السبت، 27 مارس، 2010

اليوم الاول لنا بالنادي الله يستر!!


هاي يا حلوين ..












طبعا انا اليوم نفسيتي حدها حلوة ومزاجي عالي مادري ليش الله اعلم بس يا رب دووووومز













اليوم اهوة اول يوم لي نادي بروح اسويلي جم تمرين على سويدي وادق اشوي حديد وابشبش بالمسبح






الله يعيني مالي خلق حدي الاخت زوزو امقطعة المخدة وانا قاعدة اشتغل << يعني ميري









المهم اني انا اصلا الحين خسرت 5 كيلو بس طبعا بدون رياضة بس تخفيف واني اخر وجبة لي تكون قبل ال8 م











طبعا انا كان وزني من شهر ين 104 .. وااااااااو << مو قلت لكم ابقرة.. المهم اني قاعدة مرة اخربط ومرة امشي على رجيم لين صار








وزني الحين 93 يعني تقدرون اتقولون اني خسرت 11 كيلو بشهرين وبالغصب وبدون رياضة








ومن 20 -1 الى 20-2 خسرت 6 كيلو طبعا كل ساع يزيدون ويردون ومن 20-2 الى 20-3 خسرت ه كيلو










طبعا اللي ساعدني اني اخسر وزن بهالفترة اهوة جاي<< اسمة شاي بايوجي طبعا القديم مو البلس






والحلو فيه يخليج تخسرين بالشهر من4 الى 7 كيلو بدون رياضة ومع اكلج العادي طبعا انا عن تجربه وايد حلوو







بس عنده 3 عيوب













1\ بما انه عبارة عن طحالب بحرية لما تشربينه تحسين كأن فيه زفر خفيف بريحة والمذاق << قلنا خفيف











2\ شرب كميات كبيرة من الماي لأنه يستغل الماي في تنظيف ما يحرق من دهون ويطرده من الجسم عن طريق الب...<< لما تنحصرين واتروحين الحمام شنو اسمه ؟ انتوا ابخص ..






وطبعا بما انه يستخدم ماء الجسم راح ينتج عن ذلك جفاف في الحلق يعني اتحسين انج عطشانة وحلجج كله ناشف عشان جذي






لازم تكثرون معاه الماي






3\ مرات وفي بعض الاحيان يسبب اكتئاب يعني يخليج اتعبيرين عن اشياء مكنونة في قلبج غصب << فضيحة






فأنا عليه خسرب في 28 يوم 5 كيلو بدون رجيم او رياضة..










بس تدرون شي من مميزات انه بعد ما تستخدمينه لمده 15 يوم يبدى مفعول سد الشهية وكل على حسب جسمه










طبعا بعد العلبه الاولى انا قمت اتعشى وجبة اطفال تشكن من ماكدونالز هههههههههه وناسة












ولما اروح هارد روك يكون عشاي تشكن سيزر سلط صحن كبير ويقعد على جبدي لين الصبح هذا بالنسبة لي من بعد استخدام








عبوة كاملة فيها 18 ظرف.. والحمدلله ان اللي يشوفني ما يصدق اني خسرت 5 كيلو يقولون لي اكثر .. يعني الحلو فيه يخلي الكرشة اتخف







بشكل واضح وكأنك خسرانه 9 كيلو بدال ال5 كيلو.







انا رحت خذيته من اماكن الفلبينيين والهنود في الصالحية والوطنية في سوق اسمه اسمر بالصالحية يبيعونه ب8 دنانير






هذا العادي واليديد الحين ينباع ب10 دنانير لأنه اقوى منه اشوي اسمه بايوجي بلس..

بس وايد حلووووو عجيب وبشهر مع تخفيف ورياضة ينزل من12 الى 20 كيلو بالشهر






شكلي راح اشتري 2 حق هالشهر لأن العبوة الوحدة فيها 18 ظرف يعني تحتاجين عبوتين يصير 36 ظرف حق شهر واسبوع..





ادعولي ابتعد عن فصيلة البقريات ..يا رب






ولكم مني بوسة واحلى تحية

الجمعة، 26 مارس، 2010

يا حلات العزوبية ولكن؟؟




هااااااااااااااااااااااااااااااااااااااااااااااااااااااااااااااااااااااااااااااااااااااااااي

يا حبايبي! مشتاقة لكم وحق بلوقي بعد..


طبعا انا هالفترة بأخس حالاتي خخخخخخخخخ مادري ليش ياربي ماني مترقعة كل ما احب واحاول اعطي قلبي لأحد ألقى الخيانة لي بالمرصاد..


مادري يمكن لأني منحوسة او يمكن لأني مو زينة ؟ الله اعلم


طبعا صارلي يمكن 9 اشهر وانا اتخبط بين اللي احبهم حاولت مع بنات تقطع قلبي درت على الشباب ازفت وازفت


ههههههههههههههههههه مكس خوش اصيلة .. شسوي .. والله مو بيدي قلت بنفسي يمكن لما احاول اكون طبيعية واقعد مع صبي


يصير الوضع اوكي.. بس مع الاسف زاد الوضع سوء اكثر من قبل.. تخيلوا من كثر الهم احسه يطلع من اذوني..<< كناية عن شدة الحزن


طبعا امس رحت اتغدى مع زوز او بالاحرى نتعشى .. بمطعم وكانت غلطة مو طبيعية قسم العوايل كله يهااااااااااااال


وصراخ وراسي كان يعورني حسيت ان ممكن افجرهم بس شسوي اقول بنفسي :يا اصوله هذول يهال ماماتي ميخالف تحملي.


ههههههه وكانت زوزو تضحك علي واتقولي ميخالف الحين نطلع .. اففف طلعت وما بغيت إلا عمري ازعاج مو طبيعي..


طبعا انا الحين عزوبية وما اعتقد ان فيني شدة على علاقة قلبي صار بسكوتة مقرومة << يعني كوكيز مأكولة


اتمنى احب من يديد ..اتمنى اقط همي على احد .. اتمنى اعطي قلبي للي احبه وانا مطمنة انه مايخون لكن مع الاسف هذا شي صعب..


استغرب مرات ليش انا ما تمر عندي الخيانة ؟؟ ليش انا الوحيدة اللي اصون اللي احبهم؟؟ ليش اعطيهم قلبي واصكر << اقفل


عيوني عن الناس عشان عيني ما تخون اللي احبهم حتى لو بالنظر ؟؟ يعني شنو ؟؟ انا من الفضاء؟؟


صج حلو انك اتكون على كيفك .. اتروح واترد .. وماكواا لبحه << لجة على صماخك بس تحس انه فيه شي ناقص.. تحس قلبك فاضي


يتمنى احد يمليه حب وعاطفة ..بس هالشي صار مستحيل عندي .. ادري انه مستحيل ألقى اللي انا ابيه سواء بنت او صبي


حاول واحد معاي وقالي راح اخليج ما تندمين طول عمرج انج ارتبطتي فيني .. هع طل بعينه .. وراني اصخلة القايلة<< جنية على شكل معزة جيكرة وبشوعة تخرج الظهر على المزاج ..المهم

اصلا غلطة عمري يوم ارتبطت فيه يووووووووة لعوزة يموت على شي اسمه اكل .. يمكن عجز الميزانية اللي عندي بسبب اكله


وايد يفكر بالاكل بالوعة مو بشري..


هههههههههه بس الجميل والحلو فيني ان الحياة في قلبي لازالت تنبض يعني ممكن اقول شي .. وبعد دقيقتين تلقوني اسوي جاري البحث


على احد معين.. خخخخخخخخخخ وتستمر الحياة .. لكن مع هذا لازال قلبي مسكور ومجروح بس اقول في نفسي : ان الدنيا سايرة ما تنطر احد والكل ماشي بدربه .. ليش اكون المنتظرة الوحيدة .. كمن ينتظر بالصحراء عبور قافلة لتقله الى مكان يرتاح فيه ..


يا عمي شكو انطر واتضايق واسوي افلام ؟؟ تدرون شي انا اللي يهمني اني اشوف اللي حولي مستانسين ومرتاحين والضحكة مرسومة


على شفايفهم الحلوة.. شنو اكثر من جذي سعادة .. بس ماراح اقص عليكم ولا على نفسي انا ادري ان هالشي ماراح يكفيني واني محتاجة


هالسعادة اتكون بدربي .. من الجميل ان تصنع السعادة وتقدمها للناس ولكن الاجمل ان تجدها داخل نفسك وتشعر بوجودها بأعماق وجدانك


لكن ماكل ما يتمناه المرء يدركه .. بس بالاخير ومع تفكير اشوي اقول حالي احسن من وايد ناس يكفي امي .. ابوي .. خواتي خواني


صديقتي زوزو اصدقائي وخلاني بكل مكان وبخير وعافية .. يكفي سلامتهم ووجودهم بحياتي .. يكفي اني بعد خاليه من اعاقة ..


يكفي اني قاعدة اكبر وادري اني مو امقصرة فيهم واحبهم واموت فيهم .. يكفي ان السنين اتعدي معاهم .. نكبر مع بعض وعلاقتنا تكبر معانا.. والمشاكل والهم باب ولابد


من الدخول عبره لكن بالنهاية لازم نطلع منه .. لكن الاحباب ان راحوا عنا وكنا امقصرين بحقهم


اشلون راح انعدي باب الندم لفراقهم وعدم اهتمامنا فيهم.. من رايي اخلي كل شي لله اهوة الله يعلم بنيتي ويعلم الافضل لي ولغيري


يعني ليش ابحث وافرض نفسي على شي مو مكتوب لي .. الافضل اني ابني نفسي واحط بالي على احبابي وابني مستقبلي .. والباجي على ربي


بس ماراح اوقف عن البحث والبصبصة خخخخخخخ احب اخز العالم بس بدون علاقات يعني انا من رايي الشخصي الفرندز احسن


من اني اعور قلبي بحب اتوقع منه الوفاء والوعود .. يعني ماكو فايدة سأظل منحرفة الى الابد



ومني لكم احلى تحية :*

السبت، 20 مارس، 2010

من الجميل ان تحب والاجمل ان تشعر انك محبوب





كلمة الحب ..وااااااااي اموت على هالكلمة ما اتصور نفسي بدون ما احب..

اتصدقون اصلا من كثر ما قلبي كبر صماخي احسه فندق ودي احب الكل و ودي اكون مع الكل واساعد الكل

يعني جني ماما انيسة << هذي المرة عندنا بالكويت بس برة يمكن عندهم هذا (( بابا نويل )) عشان يعطي هدايا وحلاو,,



المهم..طبعا الوضع الطبيعي ان الكل يحتاج انه يكون مرغوب ومحبوب عند الناس.. ونا << افف اقصد انا.. مادري ليش هالبدليات..


المهم اني انا احب احس بهالاحساس كون اني ادمية عندي احاسيس ومشاعير انزين؟ المهم.. من كنت صغيرة << يعني بالمراهقة





كنت اشوف البنات يترقمون وناس تركض ورا ناس .. وشباب يتكافخون عشان يعطي البنت رقمه << ياربي خرفان ..




المهم بيني وبينكم تمنيت ان يصير عندي خروف او ماعز او اي شي المهم شي يحسسني اني مرغوبة..


طبعا بداية لما اكتشفت اني اموت بالبنات كان مجرد اعجاب مادري ان هالشي راح يطور واصير شي يبنبع<< كناية عن التخرفن..





المهم ..انه الاعجاب كان يقتصر على المدرسة بس .. وبمجرد ما اكون خارج نطاق المدرسة ارجع بنت طبيعية..




المهم.. كان عمري 13 سنة لما حسيت قلبي يقول تك تك للحب طبعا خلوني اقولكم او اوصف لكم اشلون كان استايلي اول





طبعا احنا نظام اي شي اتقولنا الوالده لبسووه لبسنا مايهم حلو خايس .. مثل الثولان نلبس.. نظام البلوزة طويلة والتنورة اطول منها..





الله حاله . الله يسامحج يا يمة .. يعني فوق ما التنورة طويلة البلوزة اتصير عليها ثوب صلاة ..والله حرام .. ماعلينا .. المهم



تخيلووا سودة سنتوحة وملفعها وردي وبلوزتها كاروهات ابيض ووردي وتنورة وردية جني برد فراولة بايت.. ولا لابسة احمر جني كيت كات ولا اصفر جني فليك




من الاخر اتمصخرت عيشتي .. بالله منو يبي يطالع حلاوه تمشي ؟ وسودة بعد ؟؟ يا عيني ..



بس تدرون شي البس اللي كنا نلبسه كان بذاك الوقت ..زقرت يعني كشخة .. << طل بعيني كشخة ..زريبة



بس اول غير والحين غير .. << تطمنكم انها الحين غير عشان لا تخترعون :))..


يوم البحار


المهم.. على ايامنا كنا انروح مع الاهل مكان اسمه يوم البحار وطبعا من اسمه يعني مكان يمثل التراث الكويتي البحري وفيه كشكات صغيرة اتبيع العاب وسوالف حق المراهقين ودوارف<< مراجييح تؤبروو ألبي ..<< املق .. ماعلينا بس عشان الباجي يفهمون الكلمة




المهم كنت اروح اتمشى مع بنات خالتي وخواتي طبعا سبحانك ربي الكل يترقم ويركضون وراه إلا انا .. مادري مكتوب ممنوع الاقتراب؟؟




او فيني تيفوئيد << مرض ..المهم وايد كانوا يلحقونا واي لعوزونا بس مو انا لاااااااا ..كان يلحقون اللي معاي.. طبعا صار فيني حالة اكتئاب ان محد رقمني ..خخخخخخ تعقدت اشوي.. بس هم قوية باس كنت احاول واحاول .. ومن محاولاتي




اني مشيت مع بنات اجكر مني يعني سناتييييييييح عشان اصير احلاهم واترقم بس هم الشباب رقموهم وخلوني .. حظ امعفن




والمحاولة الثانية ..طبعا خلتني اصير معقدة اكثر.. تابعوني ..

كنت رايحة مع الاهل ماكدونالز وكنت متكشخة على سنغة عشرة .. المهم وانا قاعدة اطلب شفت شباب كانوا قاعدين يطالعون ناحيتي




طبعا انا قمت اناقز مو مصدقة ان في احد طل بويهي.. بس سويت روحي ثقيلة و مو مهتمة.. يعني ما اعطي ويه << سليحط..




المهم التفت جان اشوف واحد قاعد يطالعني بنظرة حلوة جان ابتسم ..<<< مسرع توج تقولين ثقيلة.. المهم بس شافني ابتسم ركض




برة وقالي بصوت مسموع ..يا الجيكرة ..وانحاش ..طبعا اهني تخيلت نفسي مثل اللي في الرسوم المتحركة تتكسر الارض واطيح بالهاوية




جان تدمع عيني واقول حق بنات خالتي : سمعوا انا قررت اتنقب البس النقاب واغطي ويهي.. جان يضحكون علي وقالولي بلا خبال




ولا تتهورين .. طبعا قعدت مضايقة طول ماكنا نتعشى وكنت اكل وانا حدي يائسة المهم شفت واحد قاعد يطالعني وانا قاعدة اكل جان




الف ويهي عنه ..<< ايي طبعا خايفة يسوي فيني كبسة جدام الناس.. المهم تشلعت عيونه واهوة يطالع وانا ولا كأن المهم طلعنا من المطعم




جان يناديني : يالحلوة ؟ بلمح البصر لفيت عليه جان اقوله شنو ؟ جان يقولي: قلت لج يا حلوة ..تدرون شنو سويت قلت لهم بصوت




خنزيري عالي وجدام الناس جذااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااب




اففففف ارتحت <<قلتها من قلب .. المهم الولد مو مستوعب اللي صار ومسكين بس قلت في نفسي لازم اتغدى فيه قبل لا يتعشى فيني




احم احم << حكم تطلع من حلجي..المهم رحت البيت وانا مرتاحة ونمت على فراشي وانا افكر هل انا حلوة ؟! وهل كل ما راح يرقمني




واحد اصرخ عليه واقوله جذاب ؟! وطبعا انا غارقة بالتفكير ساعة المنبه على راسي .<< الوالدة الله يحفظها عطتني راشدي.. كنت افكر




بصوت عالي ومالاحظت ان الماما موجودة.. المهم نمت وانا اشوف نجوم الظهر في عيني :))

الجمعة، 19 مارس، 2010

لجل عين تكرم مدينة<<< لخاطر خيتو دانة الدعيفونة

مسائكم ورد اختي الدانة وكل حبايب قلبي بالبوستات..



اليوم وكرمال 2 كيلو اللي نزلتهم الدانه راح اكتب هالبوست هههههه لأنه يذكرني بنفسي




انا تقريبا مثلج كل ما اقوم الصبح حق الدوام طرت من الفراش وعلى طول الميزان
طبعا حلم حياتي اوصل لوزنج دونة .. بس عشم ابليس بالجنة <<< والسبب؟

انا لما اكل الاكل ..طبعا كلمة آكل وايد ذربة ..أقصد لما اصعد فوق الداولة<< بدلية ومعناها الطاولة وألتهم الاكل لازم كل شي مع بعض

يعني ما ينفع كل شي ابروح ..لأني اتبع المثل القائل (( دامه راح يتخلط في بطنك بالاخير ..من اولها اخلط وفك عمرك))
>>طبعا اقتباس من الدكتور اصيلة..لعلم التغذية السليمة<<

اهوة صج اني الحين قاعدة اخفف اشوي بس مهما كان للحين انا من فصيلة البقريات ..مادري متى اطلع من هالفصيلة..

كله من زقرتية الله يحفظها.. كنت اضعف منها لدرجة انها اتشيلني ومن عرفتها اهي اضعفت عن وزنها و انا صرت حوت ..




**توتي فروتي**







مرات اسأل نفسي ليش لقبتني زقرتية بكلمة توتي ؟؟


1\ هل سمتني هالاسم من كنت ضعيفونة لأنه اسم يدل على النعومة وصغر الحجم وبعدها ابتلشت فيه بالذات اني الحين من فصيلة البقريات؟

2\ هل لأنها تبي اتخفف علي كلمة الوزن الزايد بدال كلمة بقورتي صارت توتي؟

3\هل لأنها اتحسني من فصيلة الفواكه الاستوائية الضخمة؟

4\ او انه اختصار لجملة معينة مثل : تبي ونش تيوتا ينقلها ؟





كل شي جايز :))



مشاري و الوربات >>زنود الست








اذكر فيه يوم كنت انا و زقرتية ومشاري ودنا انشيش بقهوة على البحر بس ها؟ لازم واحنا انشيش انحلي بحلويات عربية


طبعا هذا كان مزاج الاخت توتي << اللي اهي انا ..طبعا رحنا واحد من محلات الحلويات العربية وخذيت زنزد الست اللي بس

اشوفها لساني يصير متر لين تحت وعيوني تلمع من دموع الفرح..

المهم خذيت حقي يمكن اربع وحق كل واحد منهم 2 عشان اذا ما يبون الثانية اكلها انا خخخخخ


طبعا قعدنا بالقهوة وفتحت صحن الحلو وقمت اكل بكل لذة وشراهة وكان مع الاكل يطلع مني هالكلمة : ممممم مواااااه لذيذ




جان يضحك مشاري ويقول شنو هالصوت ؟؟ ايي لا لا اسف كملي كملي نسيت انج ابقرة مواااااااااااااااا ممموااااااا


نسيت انه صج صوت البقرة بس شسوي اندمجت بالاكلوقعدت اضحك << عباله بخلي الاكل واقوم .. امله وامل فلسطين

واحد :))


ومني لكم احلى تحية ((ألاصيلة))

الاثنين، 15 مارس، 2010

ان تكون موظف معناه انك تقضي على اي لون رمادي بجسمك ..اووف



وانا اليوم بالدوام كنت قاعدة اسولف مع صديقاتي عن ايام الدراسة ولا فجأة اشوف بنوتة صغيرة تدخل عندنا


شكلها يديد بقراطيسها جنها ياهل يديد توه طالع من بطن امه كل شي فيه نظيف ويلمع ..المهم مع الكلام تبين لنا انها موظفة يديدة ما باشرة العمل بعد..


طبعا لما شفتها تذكرت نفسي قبل اربع سنين اول ما توظفت.. طبعا
بحكم اني كله كجول باللبس ودايم اكون بالصالة الرياضية +ان ايام العصر الذهبي الواحد ما يهمه سوالف الحريم والدلع مثل البدكير والمنكير وتنظيف البشرة

باختصار ماعندي هالسوالف كله جوتي رياضة تكرمون وروح مشوارك

المهم ..انا رايحة اللحين المقابلة ..مرتزة من 7 الصبح مع الوالدة ومحد عبرنا إلا الساعة 9 ص ونعم الادارة..

طبعا رحت وسويت مقابلة وطلعت اشوف الاقسام طبعا الاقسام اكثرها حريم وكل وحدة اتقول حق القمر وخر وانا اقعد مكانك ..

وانا ابحلق فيهم واشوف نفسي كوني اني كمسمى بشري بنت..طبعا شتان مابيني وبينهم.. الكل متحمر ومتزكرت والاخت اصيلة لابسة

سبورت والكل لابس شحاطات موضة إلا انا لابسة نعال رجالي تكرمون ..الكل بشرته صافية والاخت اصيلة جلحة ملحة ..

طبعا قعدت بأحد الاقسام الموجودة وكان فيه وايد بنات استغربوا شكلي..طبعا انا نظام ثقيلة وعطيتهم ظهري يعني ماكو احد بالغرفة غيري

المهم يتني وحدة وقامت بصبعها اطقطق على جتفي واتقول :هلوو.. <<=== من ربع الانجلش سكول .. جان اقول لها :هلا

جان اتقول ممكن نتعرف منو حضرتج؟ جان اقولها : انا الموظفة اليديدة

جان اتقولي وحضرتج بنت ؟!! جان اقولها :خير ؟.. جان اترد نفس السؤال ..جان اقولها :والله مادري انتي اشرايج؟

جان تضحك واتقول: انا قاعدة اسألج .. جان اقول : امممم يعني مو مبين فصيلتي؟!

جان اتقول :لأ .. جان اقولها : حضرتج تستهبلين ؟ جان اتقول ليش؟! جان اقولها : اشرايج تفحصيني وتتأكدين ان كنت بينت ولا لأ؟

يعني يا جماعة اتعرفون السود عندهم مناطق ظاهرة جدا جدا مثل الشمس ..ماركة مسجلة ما تنمسح مع مرور الازمان وهم هذا مو دليل؟!!

المهم جان اتقول :انتي ليش امعصبة .. جان اقولها : اها قلتي انتي ..يعني معترفة اني بنت مو شي ثاني ؟! زين بعد..


جان اتقول : ليش انتي gay؟... طالع هذي ..كلمة بعد واخلي عناقيصها بحضنها..طبعا انا بدون شعور نزلت عيني تحت قاعدة اطالع


يمكن في شي طالع بالغلط من البنطلون عشان جذي الاخت افهمت غلط بس ماكو شي ..اشلون احكمت اني جذي..


جان اتقولي انتي شنو اطالعين حامل؟ <<=== طع ..ازنطها هذي ..جان اقولها لا يبا مو حامل ولا قيي انا بنت حقيقية وكل مافيني موازي

للطبيعة الانثوية وامي طلعتني على ويه الدنيا وبشروها اني بنت .. جان تضحك واتقولي ؛: ههههه وانا شكو في امج؟ انا اقولج انتي متزوجة ولا بنت؟! جان اقول: اهاااااا جذي قصدج؟! اشوة ..في الحقيقة والواقع عانسة .. جان اتقول :اهااا حياج حبيبتي

واهي اتقول حياج لاحظتها اطالع اريولي قلت بقلبي : اكيد عاجبها نعالي..والله اني ذويقة ..بس ماراح اقولها من وين شاريته عشان لا

اتقلدني ..<<<=== هذا في نفسي طبعا ..ماشالله صج ثقة

المهم طلعت رحت الحمام تكرمون ولا اشوف وحدة من زميلات الدراسة وسلمت علي وطبعا زميلتي هذي من ربعي العبنده بس


مع الاسف انا بالنسبة لها لبنانية يعني تقدرون تتخيلون لونها شنو ؟ المهم طالعتني من فوق لين تحت جان اقولها : كشخة وفلة صح؟!


جان اطالعني بحقد واتقول : فله طل بعينج ..انتي ما تستحين ؟..جان اقولها :ليش ؟ جان اتقول : في احد يروح اول يوم دوام وريلة جلحة ملحة؟

طبعا اهني استوعبت نظرات البنات حق اريولي .. نظرة اعجاب طل بعيني .. طبعا مر الوقت ورحت البيت وقلت حق امي اتودين الجمعية

عشان اشتري خوش دهن حق اريولي.. صار باجر و رحت الدوام وقبل لا اروح تكشخت و حطيت على ريلي دهن وصاروا يلموعون

خوش اريول ..دشيت الادارة وكان اشوي هوا والله يهداهم الارض كلها تراب ..دشيت ولا الكل يطالعني ويطالع ريولي وانا أطالعهم

بنص عين وثقل الاخت توم كروز يعني جني اقول : ايي انا اليوم مافيني عيب من كل مكان المع..

دشيت الكاونتر مالي ولا جان اشوف زميلتي العبندة جان اطالعني وتقعد تضحك .. بصوت مسموع ..اشفيها هذي؟؟

جان اقولها اشفيج؟ جان اتقول انتي من وين ياية؟. جان اقولها من البيت.. جان اتقولي متأكده؟ جان اقولها : ايي

جان اطالع اريولي واتقولي : تكفين نظرة بس حق اريولج ماما!! جان اشوف اريولي ولا كلها تراب لازق جان انحرج واركض الحمام ..

إلأحقتني البنت وقالت لي انتي شنو حاطة على ريولج صمغ؟؟ جان اقولها لأ حاطة فازلين كريم السود المعتمد في الاوقات الصعبة..

جان اتقول لي : هبلة انتي في احد يحط فازلين بيوم هوا وتراب بعد؟ الله يهداج بس؟

طبعا انا استأذنت وقلت بطني يعورني وانحشت مالي ويهعلى هالموقف الخايس.. ورحت وغشلت ريلي وصار فيني احباط نفسي

كل هذا من ريولي الجلحة .. اففف موقف موشي حده.. بس اشوة من باجر رحت ولا كأن وهالمرة حطيت كريم ما يلزق شي على ريولي

وكل ساع اشوف اريولي .. فيها شي ولا لأ.. ولما رحت حق الكاونتر شافتني البنت اللي شككتني بأنوثتي اول مرة .. سلمت علي

جان اطالع اريولي جان اتقولي : تدرين شي ؟اقولج ولا تزعلين ؟ جان اقولها: شنو ؟ قولي عادي .. جان اتقول : انا بصراحة يوم شفت

اريولج قلت هذي اكيد كان شغلها اول حفارة قبور !!! <<<=== امممم خوش كلام بس استاهل.


المهم باستني وقلت لي لاتزعلين بس الكلمة بقلبي ولازم اقولها لج بس جد لا تزعلين .. جان اقولها لا عادي حصل خير وراحت..

عشان جذي يا جماعة حطوا بالكم من هالمواقف المعفنة ..قبل لا اتصيرون موظفين.. ايييييييه ماضي غير مشرف.. يالله مر الموقف على

خير..

السبت، 13 مارس، 2010

اقولكم HELLO







مساء الخير يا حلوين



هذي اول مرة اكتب فيها بس والله مو سوالفي كلش انا اصلا مالي خلق شي يالله اقوم من الفراش






بس الx مالتي ادش المدونات وتقرى شنو يكتبون الناس وكانت اتقولي عن مواقفهم وسوالفهم الحلوة فتشوقت اني ادش واشوف بنفسي ومنها






يكون عندي صداقات بكل مكان تدرون.. ماكو شغل اشوارانا ؟؟





اووه عفوا نسيت اعرفكم بنفسي:... معاكم اختكم اصيلة وعمري25 سنة ويتضح من العنواني اني خالة يعني سودة..






طبعا لما كنت صغيرة كنت كحلية بس الحمدلله كبرت وتمددت وفتح اللون اشوي :) فديت لوني والله!!





ما اقدر استغني عن لون الوكالة الاصلي ..المهم ماعلينا



خنأقولكم عن نفسي اكثر انا احب الرياضة وايد




لدرجة اني كنت رشيقة..



قريتوا الكلمة + التركيز عليها كنت رشيقة يعني من زمان ايام الدايناصورات





اما الحين فأنا مو رشيقة إلا انا ام الرشاقة من رشاقتي اقطر دهن






شسوي مليت من الرجيم وقطعت عن الرياضة وصرت بس أبلع الاكل



بس هالايام الحمدلله اشوي احسن من قبل قمت اخفف اشوي قايمة اليوم عشتو داشة المطبخ ميته يوع قلت اتريق شنو؟



قعدت اشوف الثلاجة والخزاين سويت ماي حار وقاعدة ادور شي لذيذ..شفت شاي بالحليب بالكراميل اشتهيته وشفت يمه ظرف شوربة سريع شوربة فطر بالكريمة فسال اللعاب من حلجي وبعدها قعدت اتخيل شنو الالذ اخرتها استقريت على جاي اخضر بالنعناع





عشان اهضم اشوي اللي في بطني لأني الله يسلمكم عتدي مشاكل بالهضم



حلم حياتي اروح كل يوم الحمام اكرمكم الله بس ما اقدر .. الله كريم




المهم رحت اغسل اهدومي انا وال x مالتي والاخت امسعبلة ونايمة نوم بالفراش


وطبعا بس اخلص الغسيل لازم اروح اتسبح والمقطع اللي اكره فيه سالفة السباحة شي واحد واهوة شعري


اقعد 100 سنة امشطه واستشور فيه اففف معاناه










والنتيجة اخس بعد الاستشوار اصير هوولة







ياحلاتي وانا ياهل ما اتعب الله يعافي الوالدة كانت اجهزني واتمشطني واتضبطني ..

ياحلاتي وانا صغيرة تختوخة وامصرقعة بس يطلع مني شي مفييد




كنت احب اروح الروضة والعب بس مشكلتي اهناك لما اشوف البنات شعرهم مفلول اروح وافتح شعري عبالي شعر باربي
ولما تاخذني امي من الروضة تنصدم واتبطل عيونها واتقولي : ليش جذي يا يمة انا مو رابطته ليش تفتحينه؟؟










اقولها بكل براءة : ثلت الثباثات علثان اسوي ثعلي مثل البنات ماما


وطبعا الوالدة تبتسم وتربطه مرة ثانية

بس طبعا انا ما اتوب اسويها كل يوم وكل يوم امي اتنبهني وانا ولا على البال..


مع اني كنت خوش وحدة وامشي يم الطوفة




ومع اني كنت صغيرة بس احب اتكشخ وكله ابوق اغراض اختي الكبيرة والبسهم







وطبعا اطراقات فيني لين افصخ بس افا عليكم و انا استلمها عض وتقرص عبالها اليفة انا خخخخ

انا اخليكم الحين وانشالله بعدين اقولكم عني وعن يومياتي اكثر باي