السبت، 7 أغسطس 2010

احلى باااك من بعد التغيير

هااااااااااااااااااااااااااااااااااااااااااااااااااااااااااااااااااااي

اشلونكم يا حلوين ؟

اغبار ها؟ لووووووووووول جنه صار لي سنين مو كاتبة ..المهم ماعلينا
ابشارة اني اشوي صرت زعيفونة ومستمرين بعنف انا وصديقتي زقرتية لين نوصل حق الوزن السنبتيكي..
طبعا طول هالفترة سويت رجيم قاسي طلع روحي بس الحمدلله وصلت لجزء من انجازي حتى زوزو الله يعينها اتعبت وايد معاي عشان نفسيتي كانت صعبة

خو تدرون خو لما الخوال يقفلون اول ما يبين بالقفلة لمعان الخشم واهي ملت واهي اتشوف هاللمعان بس الحمدلله النفسية صار حدها اوكي

سفر زقرتية


طبعا حالتي النفسية تأزمت وايد لما دريت ان زقرتية راح اتسافر مدة طويلة وهالشي خلاني احذف الدنيا وراي واشوف لي طريقة

تقنعها انها ماتسافر ..لأنكم تدرون ان زوزو اقرب انسانة لي على مدار اربعة وعشرين ساعة وطبعا جم دمعة على جم سنسون على جم

كلمة ترجي وجم مرة صرت لها ميري طبعا تدون هالبنت تستغلني لأبعد الحدود بس شسوي احبهاااااااا وايد لأنها صديقتي الصدوقة

المهم انها قررت عشان دمعتي الغالية عليها انها اتكنسل السفرة للمرة الثانية ..
جراقيات على راسي من الوناسة..

عيد ميلاد اختي الغالية


طبعا اليوم صادف مناسبة حلوة وهي عيد ميلاد اختي الغالية عسى ربي يحفظها لي طبعا سوينا حفلة صغيرة بالبيت واستانسنا بجو حلو فيه ربعنا وحبايبنا .

المهم مابي اطول عليكم حبايب قلبي حبيت اقول مشكورين حق اللي تواصلو معاي وحق اللي يعلقون على بوستاتي والله بمجرد مروركم

الحلو عليه حتى لو مارديتوا فهذا شي يشرفني .. حطوا بالكم على روحكم ولكم ممي اجمل تحية..

احبكم