السبت، 27 مارس 2010

اليوم الاول لنا بالنادي الله يستر!!


هاي يا حلوين ..












طبعا انا اليوم نفسيتي حدها حلوة ومزاجي عالي مادري ليش الله اعلم بس يا رب دووووومز













اليوم اهوة اول يوم لي نادي بروح اسويلي جم تمرين على سويدي وادق اشوي حديد وابشبش بالمسبح






الله يعيني مالي خلق حدي الاخت زوزو امقطعة المخدة وانا قاعدة اشتغل << يعني ميري









المهم اني انا اصلا الحين خسرت 5 كيلو بس طبعا بدون رياضة بس تخفيف واني اخر وجبة لي تكون قبل ال8 م











طبعا انا كان وزني من شهر ين 104 .. وااااااااو << مو قلت لكم ابقرة.. المهم اني قاعدة مرة اخربط ومرة امشي على رجيم لين صار








وزني الحين 93 يعني تقدرون اتقولون اني خسرت 11 كيلو بشهرين وبالغصب وبدون رياضة








ومن 20 -1 الى 20-2 خسرت 6 كيلو طبعا كل ساع يزيدون ويردون ومن 20-2 الى 20-3 خسرت ه كيلو










طبعا اللي ساعدني اني اخسر وزن بهالفترة اهوة جاي<< اسمة شاي بايوجي طبعا القديم مو البلس






والحلو فيه يخليج تخسرين بالشهر من4 الى 7 كيلو بدون رياضة ومع اكلج العادي طبعا انا عن تجربه وايد حلوو







بس عنده 3 عيوب













1\ بما انه عبارة عن طحالب بحرية لما تشربينه تحسين كأن فيه زفر خفيف بريحة والمذاق << قلنا خفيف











2\ شرب كميات كبيرة من الماي لأنه يستغل الماي في تنظيف ما يحرق من دهون ويطرده من الجسم عن طريق الب...<< لما تنحصرين واتروحين الحمام شنو اسمه ؟ انتوا ابخص ..






وطبعا بما انه يستخدم ماء الجسم راح ينتج عن ذلك جفاف في الحلق يعني اتحسين انج عطشانة وحلجج كله ناشف عشان جذي






لازم تكثرون معاه الماي






3\ مرات وفي بعض الاحيان يسبب اكتئاب يعني يخليج اتعبيرين عن اشياء مكنونة في قلبج غصب << فضيحة






فأنا عليه خسرب في 28 يوم 5 كيلو بدون رجيم او رياضة..










بس تدرون شي من مميزات انه بعد ما تستخدمينه لمده 15 يوم يبدى مفعول سد الشهية وكل على حسب جسمه










طبعا بعد العلبه الاولى انا قمت اتعشى وجبة اطفال تشكن من ماكدونالز هههههههههه وناسة












ولما اروح هارد روك يكون عشاي تشكن سيزر سلط صحن كبير ويقعد على جبدي لين الصبح هذا بالنسبة لي من بعد استخدام








عبوة كاملة فيها 18 ظرف.. والحمدلله ان اللي يشوفني ما يصدق اني خسرت 5 كيلو يقولون لي اكثر .. يعني الحلو فيه يخلي الكرشة اتخف







بشكل واضح وكأنك خسرانه 9 كيلو بدال ال5 كيلو.







انا رحت خذيته من اماكن الفلبينيين والهنود في الصالحية والوطنية في سوق اسمه اسمر بالصالحية يبيعونه ب8 دنانير






هذا العادي واليديد الحين ينباع ب10 دنانير لأنه اقوى منه اشوي اسمه بايوجي بلس..

بس وايد حلووووو عجيب وبشهر مع تخفيف ورياضة ينزل من12 الى 20 كيلو بالشهر






شكلي راح اشتري 2 حق هالشهر لأن العبوة الوحدة فيها 18 ظرف يعني تحتاجين عبوتين يصير 36 ظرف حق شهر واسبوع..





ادعولي ابتعد عن فصيلة البقريات ..يا رب






ولكم مني بوسة واحلى تحية

هناك 9 تعليقات:

alzqrtya يقول...

ههههههههههههههههههههههههههه

تسوين دعايه يبا حق البايوجي :)

عدل عدل بعد شوي بنروح النادي وانا فيني نوم ليلحين مادري ليمتى افتك من النوووم وبعد يوعانه لوووول

ala9eela يقول...

لوووووووول لا ما دعاية بس دام اني استفت ابيهم يستفيدون

سليحط..


ايييييي النادي الله يستر بس


مشكورة حبيبتي على مرورج امواه على خدج

الدانة يقول...

حشاج يبه من هالفصيلة لووووول
صج والله اصيلة زين ؟
انا ابي 5 كيلو بس ودي اكون 55
بصراحة تنصحيني فيه جد؟
دانة

just freedom freedom يقول...

دخلت من زمااان على مدونتك اذكر قريت لك موضوع ذكرتي فيه انك نحييييفه

شكلك كنتي تتكلمين عن زماااان^^

يلا ياقموره شدي حيلك احلى شي بالبنوته اهتمامها بجمالها^^

طبعا الداخلي والخارجي بعد^^

اتمنى لك التوفيق

وعندي احساس انك بتكتبين لنا بوست جاي انك وصلتي للوزن اللي كنت تبغينه^^

غير معرف يقول...

hello ktir 3ajabni bloque taba3ik wktir mitit min ...dihk coz u r so sweet ..

SaMoMa))

ala9eela يقول...

هلا وغلا بالدانة

فديتج والله

واكيد انصحج فيه والله يونس عجيب وايد ضعفت علية

ومشكورة على مرورج

ala9eela يقول...

هههههههههههه فديت crazy in freedom

نورتي البلوق خيتو ..وكلامج صح القلب مو اي احد ياخذه وهذا شي تعلمته من تجاربي القديمة

مشكورة حبيبتي و على فكرة اموت على بلوقاتج وانشالله ما انحرم منها

وتسلمين على مرورج

ala9eela يقول...

هلا حبيبتي سمونة

مشكورة على كلامج العسل

ويشرفني التواصل

الف شكر على المرور

غريب يقول...

تسلمين على البوسة

هل بالجد نافع والله ادور عليه بس باين علي من الجلوس في الجهاز بداءت تظهر لي كرش مو صغيرة الحين صارت كبيرة راح ادور على الشاي هذا

بس هذا ما هو شاي اخضر ولا هو شنو بالضبط